Dasha Mata Ki Katha 2026: According to the Hindu calendar, Dasha Mata Vrat is observed every year on the Dashami Tithi of the Krishna Paksha in the month of Chaitra. In 2026, the Dasha Mata vrat falls on March 13. Mata Dasha is believed to be a form of Goddess Parvati.
On this day, married women worship Mata Dasha and offer a cotton-thread garland with ten knots to a Peepal tree. After the pooja, they wear the garland around their neck. Observing this vrat and performing the worship is believed to bring happiness, prosperity, wealth, and well-being. It is also considered important to recite the Dasha Mata Vrat Katha along with rituals.
Dasha Mata Vrat 2026: Date and Time
According ot the Hindu calendar, the Dashami Tithi of Krishna Paksha in the month of Chaitra will begin at 6:28 am on March 13, 202, and will conclude at 8:10 am on March 14, 2026. Hence, Dasha Mata Vrat will be observed on Friday, March 13, 2026.
Dasha Mata Vrat Katha
Dashamata vrat ki pauranik katha ke anusaar, prachin samay mein Raja Nal aur Rani Damayanti the. Unke do putra the. Unke rajya mein praja sukhi aur sampann thi. Ek din ki baat hai ki us din Holi Dasa thi. Ek braahmani rajmahal mein aayi aur rani se kaha – Dasha ka dora le lo.
Beech mein daasi boli – Haan Rani sahiba, aaj ke din sabhi suhagin mahilayein Dasha Mata ka poojan aur vrat karti hain aur is dore ki pooja karke gale mein baandhti hain, jisse ghar mein sukh-samriddhi aati hai.
Isliye rani ne braahmani se dora le liya aur vidhi ke anusaar poojan karke gale mein baandh liya.
Kuch din baad Raja Nal ne Damayanti ke gale mein bandha hua dora dekha. Raja ne poocha – Itne sone ke gehne pehne ke baad bhi tumne yeh dora kyun pehna hai?
Rani kuch keh paati, usse pehle hi raja ne dora todkar zameen par phenk diya. Rani ne us dora ko utha liya aur raja se kaha – Yeh Dashamata ka dora tha, aapne unka apmaan karke achha nahi kiya.
Raat ko jab raja so rahe the, tab Dashamata swapn mein budhiya ke roop mein aayi aur boli – Hey raja, teri achhi dasha ja rahi hai aur buri dasha aa rahi hai. Tune mera apmaan kiya hai. Yeh kehkar Dashamata antardhyan ho gayi.
Samay beetne laga aur dheere-dheere raja ka saara thaat-baat, haathi-ghode, dhan-dhaanya aur sukh-shanti sab kuch nasht hone laga. Aisi sthiti aa gayi ki bhookhe marne ki naubat aa gayi.
Ek din Raja Nal ne Damayanti se kaha – Tum apne dono bachchon ko lekar apne mayke chali jao.
Rani ne kaha – Main aapko chhodkar kahin nahi jaungi. Jaisa aap rahenge, main bhi waise hi rahungi.
Phir raja ne kaha – Chalo apna desh chhodkar kisi aur desh chalte hain. Wahan jo kaam milega, wahi kar lenge. Is prakar Nal aur Damayanti apna rajya chhodkar chal diye.
Raste mein unhe Bhil raja ka mahal dikha. Wahan unhone apne dono bachchon ko amaanat ke roop mein chhod diya. Aage chalne par raja ke mitra ka gaon aaya. Mitra ke ghar pahunchne par unka bahut aadar-satkar hua aur unhe bhojan karaya gaya.
Raat ko jab ve so rahe the, tab rani ki neend khuli aur unhone dekha ki mor ki aakriti wali khunti mitra ki patni ka heere-jada haar nigal rahi hai. Yeh dekhkar rani ne turant raja ko jagaya. Dono ne socha ki subah haar na milne par kya jawab denge, isliye raat ko hi wahan se chale gaye.
Subah mitra ki patni ne haar na dekha to usne kaha – Tumhare mitra mera haar chura kar bhaag gaye. Par mitra ne kaha – Mera mitra aisa kabhi nahi kar sakta.
Aage chalne par raja ki behen ka gaon aaya. Behen ko jab pata chala ki bhai-bhabhi dukhi haalat mein aaye hain, to woh thali mein kanda-roti lekar milne aayi. Raja ne apna hissa kha liya par rani ne roti zameen mein gaad di.
Aage chal kar ek nadi mili. Raja ne kuch machhliyan pakad kar rani se kaha – Tum inhe bhoon lo, main gaon se parosa lekar aata hoon. Raja jab bhojan lekar laut raha tha, tab ek cheel ne jhapta maar kar sara bhojan gira diya.
Udhar rani jab machhliyan bhoon rahi thi, tab ve achanak jeevit hokar nadi mein chali gayin. Dono ne apni-apni baat man mein hi sochi aur wahan se aage badh gaye.
Chalte-chalte rani ke mayke ka gaon aaya. Raja ne kaha – Tum yahan daasi ka kaam kar lo aur main kahin naukri kar loonga. Is prakar rani mahal mein daasi ban gayi aur raja telii ke ghane par kaam karne laga.
Bahut samay beet gaya. Jab phir se Holi Dasa ka din aaya, tab sabhi raniyon ne snaan kiya. Daasi ne bhi snaan kiya. Jab Rajmata uska sir guth rahi thi, tab unhone uske sir mein padm dekha. Rajmata ro padi aur boli – Meri beti ke sir mein bhi aisa hi padm tha.
Tab daasi ne kaha – Main hi aapki beti Damayanti hoon. Dashamata ke kop se mere bure din chal rahe the.
Rajmata ne turant Raja Nal ko bhi dhoondh nikala. Unhe mahal mein laakar snaan karaya, naye vastra pehnaye aur bhojan karaya.
Dashamata ki kripa se Raja Nal aur Damayanti ke achhe din wapas aa gaye. Kuch samay baad ve apne rajya lautne lage.
Raste mein wahi jagah aayi jahan machhliyan nadi mein chali gayi thi aur jahan cheel ne bhojan gira diya tha. Dono ne ek-doosre ko sachchai batai.
Aage chal kar raja ki behen ke gaon gaye. Damayanti ne dharti mata se prarthana ki aur jahan roti gaadi thi wahan khod kar nikala. Roti sone ki aur kanda chandi ka ho gaya.
Aakhir mein ve apne mitra ke ghar gaye, jahan mor wali khunti ne haar wapas ugal diya aur sab sach saamne aa gaya.
Phir ve Bhil raja ke paas gaye aur apne bachchon ko wapas liya. Apni rajdhani lautne par praja ne unka bada swagat kiya. Raja Nal aur Rani Damayanti ka rajya phir se sukh-samriddhi se bhar gaya.
Ant mein prarthana ki gayi:
Jaise Dashamata ne Nal-Damayanti par pehle kop kiya aur phir kripa ki, waise kisi par kop na karein aur sab par apni kripa banaye rakhein.
Special Rule to Untie Dora
According to religious beliefs, this thread should be worn for at least one year. Alternatively, you can untie it on an auspicious day in the month of Vaishakh.
Manisha Chauhan is a Senior Sub Editor with over three years of experience in digital journalism. She covers breaking news, national, international, and trending topics. With expertise in news writing, editing and SEO, she is committed to delivering accurate, engaging and reader-friendly content that keeps audiences informed.
